»Kulan xasaasi ah oo shalay ku dhexmaray xildhibaano uu Barre Hiiraale horkacayo iyo beelaha magaalada ka taliya, halkaas oo eey qodobo kasoo saareen iyo Barre Hiiraale iyo 10 beelood yaryar oo kulankaasi kadib kulmay. 12 May 2008

Kismaayonews.com:(Isniin).Warar kala duwan ayaa kasoo baxaya kulan saxaafada loo diidey in eey wax cod ka duubto, oo shalayto ka dhacay Hoteel Xareed Yaroow ee magaalada Kismaayo , kulanka ayaa dhexmaray Xildhibaano 4 ah iyo odayaasha iyo maamul beeleedka Kismaayo,waxana laga soo saaray qodobo dhowr ah oo quseeya arrimihii lagu heshiiyey____ Sirta saxaafada laga qariyey Kismaayonews ayaa soo faagi doonta.

»Jaaliyada Jubbaland ee K/Afrika oo taageertey Maamulka cusub ee looga dhawaaqay Afmadow. 12 May 2008

Kismaayonews.com:(Isniin). Kulan ka dhacay Dalka K/Afrika kaas oo dhexmaray xubno ka tirsan jaaliyada Jubbaland ee dalkaasi ayaa si weyn loogu so dhaweeyey maamulka gudoomiye C/Qani Sh.. Maxamed Qaloon ee jimcihii Afmadow looga dhawaaqay, waxayna u dirayaan hambalyo iyo boogaadin.

»Xubnaha maamulka Degmada Afmadow oo la dhamaystirey iyo dadka gobolka oo si weyn usoo dhaweeyey maamulka cusub. 12 May 2008

Kismaayonews.com:(Isniin).Waxaa la dhamaystirey xubnaha maamulka cusub ee degmada Afmadow loo sameeyey Jimcihii, ee gudoomiyaha loogu doortey Aqoonyahay C/Qani Sheikh Maxamed Qaloon, waxaa dhanka kale isa soo taraya taageerada loo hayo maamulkan cusub oo shacabka gobolka eey si weyn usoo dhaweeyeen. (Akhriso magacyada iyo jagooyinka).

»Dhamac: Gabay ay Rooda(Afjanno) ka tirisey Nimankii loo dhiibey Tigreega 12 May 2008

Gabaygan la magacbaxey Dhamac waxaa curisey Rooda Ibraahim Cabdi Gurey(Afjanno) waxeyna Rooda gabaygan kula hadleysaa umadda Soomaaliyeed meelkasta oo ay joogto iyo dhibaatada Tigreegu u geystey dalka iyo Diinta. Waxeyse Rooda oo ah gabadh ku caanbaxdey curinta Gabayada ay si toos ah ula hadleysaa maamulka iyo Shacabka Puntland. Gabayga oo maqal iyo akhris ahba halkan ka eeg ....... HALKAN KA DHAGEYSO GABAYGA DHAMAC OO ROODA(AFJANNO)

»Raxan dayuurado laga leeyahay dalalka Kenya iyo K/Afrika, lana garan la’yahay ayaa argagax galiyey dadka Garissa, waxayna si joogto u sameeynaya duulimaadyo laga shakiyey, iyo rag gaari yar ku joogey oo caawo Garissa lagu toogtey. 12 May 2008

Kismaayonews.com:(Axad). Ku dhawaad 9 dayuuradood oo ah nooca qumaatida u kaca,qaar ka mid ah leeyihiin ciidamda cirka Kenya , halka labbo kalena lagu arkay calanka wadanka K/Afrika, iyo wadamo kale oo aan wali la xaqiijin, ayaa argagax weyn ku abuuray shacabka reer Garissa, kadib duulimaadyo aan kala go’ laheyn, iyo wax u muuqdey howlagalo culus in eye fulinayaan ayaa galaa baxaya maalmihi ugu dambeeysey garoonka dayuuradaha magaladaasi, waxaa kale oo jirra labbo nin oo caawo magaalada bartankeeda lagu toogtey.

»Kismaayo, Mowdka Masaakiinta iyo Muruqmaalka, iyo macaashka mooryaanta. 11 May 2008

Kismaayonews.com:(Axad). Dadka masaakiinta ah iyo muruqmaalka ka shaqaysta suuqyada magaalada Kismaayo ayaa wajahaya xaalad nololeed oo aad u qaraar, kadib markii mooryaanta ka amar qaadata maamulka magaalada eey ku amreen in eey canshuur ahaan u bixiyaan kala bar lacagta eey xamaalka ka shaqeeyaan____ KEEB LA YUURURIINTA KISMAAYO, KARTIDOODA WAXAY KUSOO KOOBANTAY CANSHUURIDA KABA TOLOYAASHA IYO KUWA GAARIYOONADA RIIXA.

»Qoysas kasoo barakacay gobolada Puntland oo soo si isdaba joog ah usoo gaaraya gobolada Jubooyinka. 11 May 2008

Kismaayonews.com:(Axad).Kadib howlgaladii isdaba jooga ahaa ee ciidamad maamulka Puntland eey xabashida ugu dhiibeen dadka kasoo jeeda gobolka Ogadenya, taas oo eeyu ka dhalatay carro weyn, kadib jabhada ONLF eey ku baaqday in dadkaasi eey usoo guuraan gobolada Jubooyinka oo aan lagu dhiibi doonin, ayaa wararka naga soo gaaraya magaalooyin ka tirsan gobolada Jubooyinka waxa eey sheegayaan in si isdaba joog ah eey dad Puntland kasoo barakacay eey usoo gaarayaan deegaano ka tirsan Labdda Jubba.

»Baladweyne oo markale ku dhacday gacanta Xabashida iyo Yusuf Daba Galis oo jirida ka qoslaya kuna soo fool leh magaalada. 11 May 2008

Kismaayonews.com:(Axad).Xabashida ayaa fariisan weyn ka samaysteyt buundada Liiqliiqato ee xaafadaha magaalada kala barta, waxayna fariisamo kale ka samayteen xarumihii maamulka gobolka iyagoo ay aad oga muuqato fiidhooni dheeraad ah iyo irdho eey la indho taagayaan, sidoo kale waxaa saacadaha soo socda magaalada laga filayaa Yusuf Daba Galis oo aan hadda cidna xil u heynin, aanan aheyn wax ka baddan hogaamiye kooxeed xabashidu eey dhabarka ka riixeyso.

»Xuuraan iyo Xanta Suuqa: Kala soco Kismaayonews.com. 11 May 2008

Kismaayonews.com:(Sabti).Jabuuti: wadahadaladii la filayay in eey maanta furmaan, oo aan qabsoomin, hadaba halkeey sartu ka qurunsantahay?. Sh. Shariif “dawlad ma aqoonsanin, mana qaabileyno, ee qaramada midoobay ayaan kulan la qaadanaynaa”, hadalkaasi micnihuusa ma “hanoola kala dabqaadaa, mise waa qaadacaad rasmi ah?”. Nuur Cadde “Rajo ayaan ka qabaa qabsoomida kulanka”, rajo mise riyo? Koleey reeyaa reerka u haraya.

»Soomaali sharci darro dalka kenya loogu qabtay oo maxkamadi eey amartay in dib loo celiyo. 11 May 2008

Kismaayonews.com:(Sabti).Illaa 25 soomaali ah oo doraad ciidanka Policeka Kenya eey ku qabteen agagaarka magaalada Mombasa iyagoo bas ku jooga, xabsigana loo dhaadhiciyey markii lagu heley in eey sharci darro dalka ku joogaan, ayaa maanta maxkamad waxa eey xukuntey in dib dalkoodii loogu celiyo.

»Xoogaga kacdoonka oo ka caraysan xasuuqii YaaqBari weyno oo deegaankaasi ka geystey fal aargoosi ah oo cawaaqib daran reebey. 11 May 2008

Kismaayonews.com:(Sabti). Ugu yaraan 4 ayaa laga diley, labbo gaari oo tikniko ahna waa laga qabsaday kolonyo baabbuur ah oo maraysay tuulada Yaaq Bariweyne ee agagaarka Wanlaweyn, kuwaas oo uu lahaa wasiirka maaliyada DKMG Maxamed Cali Xuud. Arrintani ayaa waxa eey dhacday maalmo kadib markii isla meeshaasi 10 qof eey xabashidu ku goowraceen.

»Kooxo Mooryaanta Kismaayo ku sugan ka mid ah ayaa boob baahsan ku haya warshidii Hilibka ee Kismaayo. 09 May 2008

Kismaayonews.com:(Jimce).Sida uu goordhaweyd noogu soo waramay wariyaheena Kismaayo Barre Bullaale , waxaa boob baahsan uu ka socdaa warshidii hore ee hilibka ee Kismaayo, halkaas oo kooxo hubeysan oo mooryaan ah eey furfuranayaan dhamaan birihii iyo qalabkii kala duwanaa ee warshada hilibka oo markani howlgab ah.

»Cabdiqani Sheikh Maxamed Qaloon oo maanta loo dhaariyey gudoomiyenimada degmada Afmadow. 09 May 2008

Kismaayonews.com:(Jimce). Kadib kulano iyo fadhiyo isdaba joog ah, oo bilihii ugu dambeeyey ka socday degmada Afmadow ee gobolka J/hoose, kuwaas oo dhexmarayay odayaasha dhaqanka beelaha degmada degan, ayaa waxaa maanta suurogal noqotey in meel fagaaro ah xilka gudoomiyenimada loogu dhaariyo C/qani Sh. Maxamed Qaloon, oo ah aqoonyahan si weyn looga yaqaano deegaanadaasi.

»Markab dagaal ah oo eey leeyihiin ciidamada Badda Maraykanka oo kusoo xirtey dekeda Mombasa iyo dhoolotus Milatari oo ciidamada Kenya kala bilaabayaan xeebaha Soomaaliya xigga. 09 May 2008

Kismaayonews.com:(Jimce). Markab weyn oo nooca dagaalka ah, ayaa arbacadii kusoo xirtey dekeda Mombasa, kaas oo la sheegey in socdaalkiisa uu ku saabsanyahay in qalabka wax basaaso uu ku rakibo xeebaha Soomaaliya eey Kenya la wadaagto iyo gobo kale oo xuduuda ah., waxaana lagu wadaa in xarun weyn oo satalite-ka la shaqaysa oo lagala socdo dhaqdhaqaaqa xuduudaha laga furi doono Kenya, taas oo hadda loo tabobarayao ciidamo Kenyan ah. (SAWIRKA: SAXAFIYIIN KENYAN AH OO EEY EEYO BAARAYAAN, KA HOR INTA EEYSAN MARKABKA DUSHIISA KORIN).

»Xuuraan iyo Xanta Suuqa: kala soxo Kismaayonews.com. 09 May 2008

Kismaayonews.com:(Khamiis). Bosaso iyo Bishaaro Waceys : Saxaafada Soomaaliya iyo Siloonida ficilka dumarka saxafiyiinta ah. Su’aashu waa eey ka tagtay soodkaada yaan la maqlin, ee madaxa Maro saaro ayay joogtaa, iyo saaran maayo, Bal ciwaankan Aqri “ GABAR SAXAFIYAD SOOMAALIYEED OO DIL KA BADBAADAY, KADIB MARKII EEY TV KA HADASHAY IYADOO MADAX QAAWAN”. Saxafi Fiyoore siduu u arkaa?. Halkeeyse sartu ka quruntay?. Kalmada Al-shabaab oo noqotey fiisaha saxafiyiinta qaar eey Yurub ku galaan. Wanlaweyn: Gumaadka shacabka, gowraxa xoolo dhaqatada iyo gaalada baxaysa iyo halganka cadowga gaasirey: Sheeko gaaban iyo gorfeynta arrimaha haka gaabin akhrintooda.