Wararka laga helayo Guri-Ceel ayaa sheegaya in Jeneraal Maxamed Nuur Galaal iyo nin magaciisa lagu soo koobey Taar-dhuleed ay tageen Guri Ceel kadibna kullamo sacado badan qaatay la yeesheen saraakiisha suufiyada ee Ahlu Sunnah Waljamaaca.

Wararka ayaa intaasi ku daraya in Galaal ay Guri-Ceel geeysey dayuurad ingeer ah oo isaga loo kireeyey, qorshuhuna uu yahay in ciidamada Suufiyada uu dagaal galiyo, waxaa la sheegey in Wasiirka Biyaha iyo Macdanta DKMG ah jeneraal cabdi Qeybdiid uu ka shaqeeyey safarka Galaal.

Jeneraal Galaal ayaa dhawaan waxa uu ka mid ahaa madaxdii lagu xirxirey Kenya balse markii dambe lasoo siidaayay.

Wali wax war ah kama soo bixin Ahlu Sunnah iyo isagaba, xilli uu dalka dib ugu soo laabtay kadib markii DKMG ah ay isku qabteen qorshe milatari oo la doonayay in istaajiyo DKMG ah.  

Dad jenanka ka agdhow ayaa laga soo xigtey in xarigiisa uu ku eedeyey DKMG ah in ay amartay laguna daray diiwaan dad lagu sheegey in ay Nairobi u joogeen in ay dowlada miji xaabiyaan.