KN: shalay oo ay bishu ahayd 1-3-2010 abaare 3:00 galabnimo ayaa dabley hubeysani ku dishay marxuum Xaafid Axmed Fidaar xaafada Philipi ee magaalada Cape town

Ggoobtii dilku ka dhacay ayaa waxaa isla markiiba soo buux dhaafiyay boqolaal Soomaali ah oo aad uga murugeysnaa dilka  loo geystay walaalkood isla markaasina hanfariirsan.  
 
Dilkan ayaa wuxuu ka mid yahay dilalka qorsheysan ee loo geysto Soomaalida ee aan ahayn tuuganimo kaliya oo ay weheliso nacayb iyo xasad dhinaca ganacsiga ah.

Maalmo kahor ayey ahayd markii dab laqabadsiiyey isla dukaanka marxuumka lagu dilay xili ay jiifeen laakiinse ay ku guuleysteen marxuumka iyo saaxiibkiis inay damiyaan,isla habayn hore ayaa dukaan aan kaas ka dheereyn dab laqabadsiiyey halkaas oo ay hantiilayaashii dukaanka iska lahaa uun ay ka badbaadeen.

 
Jaaliyada Soomaalida ayaa taxsi u direysa dhamaan umada Soomaaliyeed meel kastooy joogtaba, gaar ahaan ehalada marxuumka

Cabdinaasir Saxansoxo, Johannesburg, KismaayoNews.com